دینہ(۔رپورٹ۔شیخ بشیر / بیوروچیف برجستہ نیوز) دینہ ریلوے اسٹیشن جنگل بنتا جارہا ہے ارد گرد کے رہائشی خوف کا شکار انتظامیہ خاموش۔۔۔تفصیلات کے مطابق دینہ ریلوے پلیٹ فارم پر جگہ جگہ گندگی پھیلی ہوئی ہے اور بارش سے اگنے والی جڑی بوٹیوں کی وجہ سے پلیٹ فارم اب جنگل بن چکا ہے۔
بے تحاشا گھاس موجودہ موسم میں مسافروں اور محلے داروں کے لیے سخت نقصان دہ ثابت ہو سکتی ہے جبکہ کسی دور میں دینہ ریلوے اسٹیشن پر دور دور سے عوام سیر و تفریح کے لیے آتے تھے لیکن اب ادھر انسان تو کیا جانور بھی آنا پسند نہیں کرتے۔ عوامی سماجی حلقوں کا کہنا ہے کہ دینہ ریلوے انتظامیہ اپنے فرائض سے عدم دلچسپی کا شکار ہے اسٹیشن کے پر صفائی ستھرائی نہیں رکھ سکتی بلکہ سویپر کو بھی مکمل آزادی دے رکھی ہے تا کہ یارانہ قائم رہے اور نظام بھی چلتا رہے۔
